O pasado oito de xaneiro Axunica organizou un concerto para recadar fondos para Nicaragua e Haití e tomar conciencia da situación que alí se vive.

Pois ben, un ano despois (desculpade por favor a demora) temos tódalas fotos recadadas do evento, e queriamos compartir algunhas con vos, para rememorar aquel día e agradecervos a todos a asistencia.

Temos un especial cariño ós grupos de música e teatro que fixeron posible a noite. Non sabemos como agradecervos a vosa colaboración desinteresada. Sabedes que os axunicos somos os vosos fans incondicionais e que podedes contar con nos para o que precisedes.

Tal e como está este mundiño, a axuda de corazón non pode pasar desapercibida. Aínda hoxe nos emocionamos recordando a sala chea de xente apoiando ó pobo haitiano e nicaragüense, cun ambiente de festa e compromiso. Sen todos vos isto non tería sido posible.

Axunica faise oír por medio de xente solidaria, de xente inqueda, de xente con esperanza e gañas de ver outro mundo. Sabedes que tedes a nosas portas abertas para cando queirades, tanto grupos, como asistentes e todos aqueles que queiran animarse a coñecernos un pouquiño máis.

Moitas moitas gracias de corazón a todos e a todas.

Deixámosvos coas lembranzas dun día inesquecible:

 Leña Verde de Pol.

O grupo folk incondicional de Axunica. En 1998 recadaron fondos para paliar os destrozos do furacán Mitch, que foron vitais para que as comunidades coas que traballamos poideran sair adiante. Teñen a axenda apretadiña de traballo, pero non dubidaron en prestar a súa colaboración de novo. Graciñas a todos!

David Taboada Grupo

A este grupo considerámolo o noso gran salvador do primeiro concerto. Guillermo prestouse a facer de técnico de son co seu propio equipo dende as 16h ata as tres e media da madrugada, sen coñecernos e sen pedir nada a cambio. E David Taboada, ante a baixa repentina dun grupo por problemas de saúde, subiuse ó escenario cunha guitarra e puxo ó público en pé deixando pegada. Neste segundo concerto, e seguindo a sua línea, volveron arrasar! Mil gracias chicos.

Xenro

Viñeron dende Palas coa furgoneta cargada de instrumentos e amigos comprometidos, dispostos a facernos mover! Graciñas por axudarnos a conseguir que a denuncia dunha situación tráxica poidera levarse a cabo coa xente erguida, bailando e con gañas de loita!

Mil gracias ós compañeiros de teatro por esa obra de humor satírico na que, entre risas, fíxo que nos percatáramos do alienados que este sistema pretende ternos. Somos conscientes do gran esforzo que supuxo para vos, tanto a vosa colaboración no concerto, como na feira de asociacións, e sentímonos moi afortunados de poder contar coa vosa axuda. As vivencias que impactan non se esquecen!

IAN

Cunha chamada e sen dubidalo este formidable grupo lanzouse a colaborar con nos. Coñecímonos o mesmo día do concerto e a experiencia non puido ser máis positiva. Moitas gracias compañeiros, por unirvos á nosa causa e facer que tanta xente vos seguise!

JOTINHO´S

Rematamos a noite bailando Bossa nova coa increíble voz de Silvia. Mil gracias por pechar o festival coa vosa música! Este é outro dos grupos cos que entablamos relación o día do concerto e deixounos abraiados.

A verdade é que escrbindo estas líneas, énchenos os ollos de bágoas, emocionados pola unión de todos ante a traxedia que sofren irmáns ó outro lado do charco.

Non quermos rematar sen facer mención ás nosas axunicas helena e máis viqui, que presentaron o acto facendo que todos nos sentiramos como na casa, e a Alberto do Clavi, xunto coa sua xente que nos prestaron axuda incondicional e máxima disposición dende o primeiro día.

Tratándonos tan ben, sentímonos tentados a repetir!

HELENA E VIQUI con Nicaragua e Haití

O FORMIDABLE TÉCNICO DE SON DO CLAVI.

¡MIL GRACIAS A TODOS!

LEVÁMOSVOS NO CORAZÓN

Boas axunicos!

Aquí vos amosamos as últimas fotos da inauguración das letrinas de Tepalón.

Segundo novas dos nosos compañeiros nicas, están a dar unhas charlas formativas sobre o uso das mesmas.

Durante estes días, presentamos dende Axunica a memoria sobre o Proxecto de latrinas que foi posible desenvolver nos últimos meses grazas á axuda do Fondo Galego de Cooperación, que subvencionou 30 latrinas para Tepalón. Houbo que solicitar unha prórroga na execución do proxecto debido á situación de grave emerxencia sufrida na zona por chuvias torrenciais que imposibilitou a construción das latrinas. Como xa sabedes, a poboación da zona tivo que ser evacuada e realoxada na súa meirande parte e o solo permaneceu en condicións que facían imposible o levantamento das devanditas latrinas. Pero finalmente foi posible a súa construción e na comunidade de Tepalón disfrutan xa dunhas mellores condicións hixiénico-sanitarias, o cal repercute na súa calidade de vida. É digna de mención a labor desenvolvida polos membros desa comunidade, que se implicaron na súa construción e na asistencia ós cursos de formación para unha óptima utilización e mantemento das mesmas. A tarefa do equipo de traballo de Nicaragua foi tamén esencial para levar a cabo este proxecto, grazas ó seu seguimento continuo e á preocupación pola situación da xente de Tepalón durante a emerxencia meteorolóxica. Este proxecto, financiado polo Fondo Galego de Cooperación, contribúe a mellorar a calidade de vida de moitas persoas que viven nunha comunidade moi castigada de Nicaragua pero que loita e traballa por un futuro mellor. Grazas a todos os que o fixeron posible!

Estimados compañeiros

Como xa vos fomos informando no noso blog, a situación de Nicaragua tra-las inundacións e a de Haiti despois do terremoto, cada vez é máis crítico. As axudas non chegan e a situación en ambos paises é desesperada.

Dende Axunica, como sabedes, temos proxectos para intentar que o máximo número de persoas poidan sair adiante, pero somos poucos e non temos medios para chegar a todos. Por iso decidimos organizar un concerto solidario de concienciación e recaudación de fondos para ambas causas. Os que nos coñecedes sabedes que a vosa axuda chegará íntegra e, seguindo o noso blog, podedes comprobar en qué se emprega cada céntimo.

Como din os nosos compañeiros de KASAK, o que non participa na loita, participa na derrota, así que vos animamos a que vos acheguedes o vindeiro 08/01/2011 o Clube Clavicembalo.

Os grupos de música LEÑA VERDE DE POL, DAVID TABOADA GRUPO, XENRO, IAN E JOTINHO´S, amenizados polos compañeiros de teatro, uniranse á loita tocando dende as 23:00 ata as 02:30h.

Disporemos tamén dun mercadillo de productos artesanais e de toda a información que queirades sobre a nosa causa.

Tanto o recaudado no mercadillo como o precio íntegro da entrada (5 euros) serán destinados os proxectos que se levan a cabo en ambos países, posto que tanto o dono do local como os grupos de música e teatro, actúan de balde dun xeito desinteresado. Moitas gracias de corazón a todos.

Agradecemos a vosa asistencia.

 Unirémonos por unha boa causa e pasaremos unha noite de festa e lembranzas entre amigos.

A raíz da situación delicada que se está vivindo en Ecuador despois do intento de golpe de Estado que fixo saltar as alarmas en todo o país, o colaborador de AGARESO en Ecuador, Wilson Morales, transmítenos en vive en directo como viviu o día de onte e cal é a situación dun cidadán de a pé a través dunha nova que podedes consultar a través da páxina web da ONGD http://www.agareso.org.

No seu texto fuxe da nova política e vai máis alá, conta o impacto na sociedade.

Animávosvos a que a leades.

Pincha aquí

Aquí vos achegamos unhas fotos da situación actual de Tepalón, rexión de Granada afectada polas inundacións. Nicas e Axunicos todos xuntos loitamos para que as zonas afectadas saian adiante.

Benqueridos/as amigos/as de Axunica.

Como lembaredes este ano houbo fortes inundacións en Tepalón, rexión de Nicaragua onde Axunica colabora dende hai máis de 20 anos.

Este é o enlace dun video feito por Jorge Luis e Maikel, dous amigos nicas, onde se reflexa claramente a situación de Tepalón. Leva moito esforzo e cariño, seguro que nolo transmite. Difundámolo para que chegue a máis xente que non saiba que, aínda que non é de interese para os grandes medios, esta é unha realidade que está ocorrendo aquí e agora. Apertas